मड्रिड, १४ माघ । स्पेनको अर्थतन्त्र सन् २०२१ मा पाँच प्रतिशतले वृद्धि भएको छ । सरकारको एक वर्षअघिको लक्ष्यभन्दा यो वृद्धि केही तल देखिए पनि यसलाई राष्ट्रिय तथ्याङ्क कार्यालयले सन्तोषजनक भनेको छ ।  सरकारले सन् २०२१ मा कूल गार्हस्थ्य उत्पादन ६.५ प्रतिशतले वृद्धि हुने अनुमान गरेको थियो यद्यपि पाँच प्रतिशतको वृद्धि पनि युरोजोनको सबैभन्दा खराब नतिजामध्ये एकमा परेको स्पेनका लागि सन्तोषजनक मानिएको हो ।  सन् २०२० मा स्पेनको कूल ग्रार्हस्थ्य उत्पादन अघिल्लो वर्ष (सन् २०१९)का तुलनामा झन्डै ११ प्रतिशतले घटेको थियो ।– रासस/एएफपी