काठमाडौं, २६ माघ । बुधबार मुलुकभर २,४०१ जनामा कोरोना भाइरस (कोभिड–१९) संक्रमण पुष्टि भएको छ । १६,३६५ जनाको नमूना परीक्षण गराउँदा उक्त संख्यामा कोरोना संक्रमण पुष्टि भएको हो । नमूना परीक्षण गराएका मध्ये ११,६०३ जनाको पीसीआर विधि तथा ४,७५३ जनाको एन्टीजेन विधिबाट परीक्षण गरिएको थियो । गत २४ घण्टामा कोरोनाका कारण १४ जनाको ज्यान गएको छ । आज मृत्यु भएका सहित नेपालमा कोरोनाका कारण ज्यान गुमाउनेको बिरामीको संख्या ११,८५२ जना पुगेका छन् । गत २४ घन्टामा ७,७७७ जना कोरोना जितेर फर्केका छन् । यो सहित ९,२८,३६९ जनाले कोरोना जितेका छन् ।  आज थपिएका सहित नेपाल भर ३०,२४१ ज्ना संक्रिय संक्रमित रहेको छ । गत २४ घन्टामा २४६७८३ जनाले कोरोना भाइरसविरुद्धको खोप लगाएका छन् । नेपालमा अहिले पनि खोप अभियान जारी छ । हाल १३३ जना क्वारेन्टाइनमा रहेको स्वास्थ्य तथा जनसंख्या मन्त्रालयले बुधबार जानकारी दिएको छ ।