कांग्रेसको उम्मेदवार सिफारिसले विवाद 

कांग्रेसको मेयरको दुई उम्मेदवारबीचमा आधिकारिकताको विषयले विवाद चुलिएको छ । कांग्रेस प्रदेश समितिले पोखरेललाई र केन्द्रले भट्टराईलाई मेयरको टिकट दिएपछि आधिकारिकताको विषय पेचिलो बनेको हो । अहिलेसम्म दुई मध्ये ‘को आधिकारिक उम्मेदवार बन्छ’ भन्ने टुंगो लागेको छैन । 

हलेसी तुवाचुङः मेयरमा ७ र उपमेयरमा ५ को उम्मेदवारी 

हलेसी तुवाचुङ नगरपालिकाको मेयरमा ७ जना र उपमेयरमा ५ जनाको उम्मेदवारी दर्ता भएको छ । कांग्रेसबाट मेयरमा विमला राई र उपमेयरमा रमेश राउत, एमालेबाट मेयरमा खडेन्द्र राई र उपमेयरमा तुलसा बुढाथोकी, माओवादी केन्द्रबाट मेयरमा रुसिका राई र उपमेयरमा अमेम्बर राईको उम्मेदवारी दर्ता भएको छ ।

यस्तै, जसपाबाट मेयरमा अञ्जलि राई, राप्रपाबाट मेयरमा छत्र पुरी र उपमेयरमा एबिना राई, खम्बुवान राष्ट्रिय मोर्चाबाट मेयरमा तुलसीकुमार राई, मंगोल नेशनल अर्गनाइजेसनबाट मेयरमा दिनेश राई र नेकपा एकीकृत समाजवादीको तर्फबाट उपमेयरमा भूमिराज राईको मनोनयन दर्ता भएको निर्वाचन अधिकृत संगीता न्यौपाने ढुंगेलले बताइन् । ११ वडा रहेको नगरपालिकामा वडाध्यक्षमा ३९ जना, महिला वडा सदस्यमा ३२ जना, दलित महिला सदस्यमा ३१ जना र खुला सदस्यमा ६६ जनाको उम्मेदवारी परेको छ ।

कांग्रेसका मेयरमा उम्मेदवार राई २०७४ सालको स्थानीय तहको निर्वाचनमा उपमेयरमा विजयी भएकी थिइन् । माओवादी केन्द्रबाट उपमेयरको उम्मेदवार बनेका राई सो पार्टीका केन्द्रीय निर्वाचन आयोगको सदस्य छन् ।