कांग्रेसका क्षेत्रीय सचिव समाजवादीबाट उम्मेदवार

बुधबार, वैशाख १४, २०७९

हेटौंडा, १३ वैशाख । नेपाली कांग्रेस मकवानपुरका क्षेत्रीय सचिव नेकपा एकीकृत समाजवादीबाट वडा अध्यक्षको उम्मेदवार बनेका छन् ।

कांग्रेसको मकवानपुर क्षेत्र नम्बर २ को प्रदेशसभा ‘ख’ सचिव नवराज पौडेल नेकपा एसबाट मनहरी गाउँपालिका १ नम्बर वडा अध्यक्ष पदको उम्मेदवार बनेका हुन् । कांग्रेस परित्याग गर्दै उनी एकीकृत समाजवादीबाट वडा अध्यक्षको उम्मेदवार बनेका हुन् । प्रदेश सभापति रञ्जन कालाखेती भने मनहरी गाउँपालिकामा कांग्रेसबाटै पालिका अध्यक्षको उम्मेदवार रहेका छन् ।

मनहरीको १ नम्बर वडाको सबै घरमा स्वास्थ्य वीमा कार्यक्रम पुर्‍याउने, जग्गाको लालपूर्जा नपाएकाहरुलाई लालपूर्जा व्यवस्था गर्ने लगायतका योजना रहेको उनले सुनाए ।

पौडेलले आफ्नो सेवासुविधाको रकम सबै नागरिकको सेवामा लगानी गर्ने र १० प्रतिशत सामाजिक क्षेत्रमा लगाउने बताएका छन् ।

प्रकाशित मिति: बुधबार, वैशाख १४, २०७९ ०८:४०

प्रतिक्रिया दिनुहोस्