सोल, २५ वैशाख । दक्षिण कोरियामा पछिल्लो २४ घण्टामा ४० हजारभन्दा धेरैमा कोरोना सङ्क्रमण पुष्टि भएको छ । स्वास्थ्य अधिकारीका अनुसार सो संख्या अघिल्लो दिनका तुलनामा गएको २४ घन्टायता धेरै देखिएको हो ।  यहाँ एकै दिन पहिले चार लाखसम्म नागरिकमा कोरोना सङ्क्रमण देखिने गरेकोमा पछिल्ला दिनमा घटेको थियो । तर पछिल्ला केही दिनमा भने पुनःबढ्न थालेको बताइएको छ । 
दक्षिण कोरियामा सङ्क्रमितको संख्या बढ्दै गएको यहाँका स्वास्थ्य अधिकारीले जनाएका छन् । अधिकारीका अनुसार अहिलेसम्म एक करोड ७५ लाखभन्दा पनि बढी सङ्क्रमित भइसकेका छन् ।
अघिल्लो दिन यहाँ ३७ हजारमा सङ्क्रमण देखिएकामा २४ घन्टायता आएर त्यसमा केही वृद्धि भएको बताइएको हो । 
सङ्क्रमितमध्ये स्वास्थ्य अवस्था गम्भीर रहेका व्यक्ति भने थोरै छन् । यहाँ मृत्यु दर पनि कम रहेको बताइएको छ । 
हालसम्म कोरियामा कोरोनाबाट २३ हजार ३६० को ज्यान गइसकेको छ । सङ्क्रमितमा मृत्युदर भने न्यून रहेको अधिकारीले जनाएका छन् ।– रासस/सिन्हवा