काठमाडौं, ३१ वैशाख । शुक्रबार सम्पन्न स्थानीय तह निर्वाचनको मत गणना केही जिल्लामा सुरु भएको छ भने केहीमा अहिले बिहान ७ बजेदेखि सुरु हुँदैछ । काठमाडौं, ललितपुर र भरतपुर महानगरपालिकामा आज बिहान ८ बजेदेखि मतगणना हुने भएको छ । ललितपुरमा अहिले बिहान ७ सर्वदलिय बैठक बसेर ८ ब बजेदेखि मतगणना सुरु गर्ने तयारी निर्वाचन आयोगको छ ।
उता विराटनगर महानागरमा पनि बिहान ८ बजेपछि मात्र मतगणना हुने भएको छ । सर्वदलीय वैठकपछि गणना सुरु गर्न थालिने छ ।
हेटौंडा उपमहानगरमा बिहान ७ बजेदेखि मतगणना हुने छ । चितवनको कालिका र माडी नगरपालिकामा मतगणना जारी छ । त्यसैगरी   स्याङ्जाको गल्याङ नगरपालिका र फेदीखोला गाउँपालिकामा पनि मतगणना जारी छ ।