सर्लाही, १ जेठ । सर्लाहीको लालबन्दी नगरपालिकाको दुई वडामा नेपाली कांग्रेसका उम्मेदवार प्यानलसहित विजयी भएका छन् ।

 लालबन्दी नगरपालिका वडा नम्बर ३ र ४ मा नेपाली कांगेसका उम्मेदवार विजयी भएका हुन् । लालबन्दी नगरपालिका–३, मा नेपाली कांग्रेसका उमेद्वार बुद्ध देव चौधरी ४९७ मत सहित विजयी भएका हुन् । उन्को निकटतम प्रतिस्पर्धी नेकपा एमालेका उम्मेदवार  योगेन्द्र चौधरीले ४७१ मतमात्र पाएर पराजित भए ।

यस्तै लालबन्दी नगरपालिका–४, नम्बर वडामा पनि नेपाली कांग्रेसका उम्मेदवार  सत्य नारायण चौधरी ७८३ मत सहित विजयी भएका हुन् । उन्को निकटतम प्रतिस्पर्धी नेकपा एमालेका उम्मेदवार विजय प्रसाद घिमिरे ६७१ मत प्राप्त गरी पराजित भए ।

यस्तै लालबन्दी नगरपालिकामा मेयर र उपमेयर पदमा नेपाली कांग्रेस अग्रस्थानमा देखिएको छ । मेयरका उमेद्वारमा कांग्रेसका बाशुदेव अधिकारी १८३२ मत सहित अग्र स्थानमा छन् भने १३६७ मत सहित दोस्रो स्थानमा माओवादी केन्द्रका प्रलाद बुडाथोकी र नेकपा एमालेका गोविन्दबहादुर महत १३५० मत सहित तेस्रो स्थानमा छन् ।