गोरखा, २ जेठ । अजिरकोट गाउँपालिकाको अध्यक्षमा दीपक देवकोटा निर्वाचित भएका छन् । नेकपा माओवादी केन्द्रका उम्मेदवार देवकोटा अध्यक्षमा ३ हजार ७८७ मतका साथ निर्वाचित भएका हुन् । उनका निकटम प्रतिद्वन्द्वी नेपाली कांग्रेसका गोविन्द गुरूङलाई ४९८ मतान्तरले पराजित गर्दै अध्यक्षमा निर्वाचित भएका हुन् । गुरूङले ३ हजार २८९ मत पाएका थिए ।
उपाध्यक्षमा पनि माओवादी केन्द्रकी उम्मेदवार अनिता भूजेलले ३ हजार ५३२ मतका साथ निर्वाचित भएकी छन् । उनले कांग्रेसका उम्मेदवार इन्द्रा गुरूङलाई १७१ मतान्तरले पराजित गर्दै उपाध्यक्षमा निर्वाचित भएकी हुन् । गुरूङले ३ हजार ३६१ मत ल्याएकी छिन् ।
देवकोटा २०७४ को स्थानीय तह निर्वाचनमा कांग्रेसका फणिन्द्रप्रसाद धितालसँग र भूजेल चन्द्रमाया गुरूङसँग पराजित भएकी थिइन् ।
को हुन् देवकोटा
वि सं २०३६ साल जेष्ठ १० गते साविक मुच्चोक गाविस वार्ड नं. २ (हालको अजिरकोट गाउँपालिका वडा न ५) मा बुवा ऋषिराम देवकोटा र आमा तिलकुमारीको कोखवाट जन्मिएका देवकोटा माओवादी केन्द्रको गण्डकी प्रदेश समिति सदस्य तथा अजिरकोट गाउँपालिका ईन्चार्ज हुन् ।
‘अनुप’ नामले परिचित देवकोटा स्कूले जीवनदेखि नै समाजिक न्याय र परिवर्तनको आन्दोलनमा सहभागी भएका भएका थिए । उनले २०५१ सालमा अमर ज्योती जनता माद्यमिक विद्यालयमा अध्ययनरत छँदा अनेरास्ववियू (क्रान्तिकारी) को ईकाइ अध्यक्षबाट राजनैतिक जीवनको शुरुवात गरेका थिए ।
काठमाडौमा थुप्रैपटक जेल नेल यातना र हिरासत जिवन भोगेका उनी  माओवादी केन्द्रका गण्डकी प्रदेश सदस्य रहेका छन् । निर्वाचनमा पराजय भए पनि उनी जनताको पक्षमा अहोरात्र खट्ने स्थापित नेता हुन् ।
अनेरास्ववियू (क्रान्तिकारी)को स्कूल इकाइ समिति अध्यक्ष, एरिया समिति र जिल्ला समितिका विभिन्न पदहरुमा आफ्नो भूमिका निर्वाह गर्दै विसं २०५५ सालमा तत्कालीन नेकपा (माओवादी) को सदस्यता प्राप्त गरी विसं २०५५ सालदेखि पूर्णकालीन रुपमा जनयुद्धमा सहभागी भएका थिए ।
२०६९–७२ मा जिल्ला सेक्रेटरी तथा ७० मा जिल्ला काभ्रे, मकवानपूर, धादिङ, रामेछापको जिल्ला इच्चार्ज भएरका काम गरेका उनी शान्ति प्रकृयाको शुरुवात पश्चात पनि निरन्तर रुपमा गोरखा जिल्ला बाहिरका क्षेत्रमा रही जनताको सेवामा राजनैतिक कार्यकर्ताको रुपमा खटिएका थिए ।
सानैदेखि मेधावी छात्रको रुपमा परिचित देवकोटा लुईटेल विद्यालयबाट एसएलसि उत्तिर्ण गरी अमृत साइन्स क्याम्पस र रत्नराज्य क्याम्पस काठमाडौंबाट उच्च शिक्षा हासिल गरेका जेहेन्दार, इमान्दार र क्रान्तिकारी नेता हुन् । क्याम्पस पढ्दा पढ्दै माओवादी आन्दोलनमा सहभागी भएर पूर्णकालिन बनेका देवकोटा जनयुद्धमा सञ्चालित रेडियो जनगणतन्त्रका समेत नेतृत्वदायी भूमिका निर्वाह गरेका युवा हुन् ।