काठमाडौं । मुलुकमा कोरोना संक्रमणको दर बढ्दो क्रममा छ । संक्रमणदर १५ प्रतिशतभन्दा बढी रहेको स्वास्थ्य तथा जनसंख्या मन्त्रालयले जनाएको छ । बुधबार देशभर थप ९१५ जनामा कोरोना भाइरसको संक्रमण पुष्टि भएका छन् ।

६ हजार दुईवटा स्वाब नमुनाको परीक्षण गर्दा ९१५ जनामा संक्रमण पुष्टि भएको हो । यो संक्रमण संख्या चौथो लहर सुरु भएयता नेपालमा एकैदिन पुष्टि भएको सबैभन्दा धेरै हो । 

यो अवधिमा ३०१ जना कोरोना संक्रमणमुक्त भएका छन् । हाल देशभर कोरोनाका सक्रिय संक्रमितको संख्या पाँच हजार ४३३ पुगेको स्वास्थ्य तथा जनसंख्या मन्त्रालयले जनाएको छ ।