ललितपुर । सुनाकोठीबासीले बालकुमारी चौरसँगै प्रतिस्थापन गरिएको भीमसेन देवताको शनिवार धूमधामसँग पूजाअर्चना गरेका छन् । भीमसेन जात्रासहित उनीहरुले भीमसेन देवताको धुमधाम पूजाअर्चना गरेका हुन् । भीमसेनको मूर्ति पाँच वर्ष अघि प्रतिस्थापन गरिएको थियो ।

मच्छेगाउँको खोंचमा भेटिएको एउटै ढुंगाबाट उक्त मूर्ति तयार पारिएको हो । सुनाकोठीका भीमसेन मूर्ति संभवत नेपालकै अग्लो मूर्ति हो । भीमसेन जात्रामा ललितपुर महानगरका प्रमुख चिरीबाबु महर्जन, उपप्रमुख मंजली शाक्य बज्रचार्य, नेपाली काँग्रेस केन्द्रीय सदस्यहरु मदनबहादुर अमात्य, जीतजंग बस्नेतको उपस्थिति रहेको थियो ।

सुनाकोठी समाजको सक्रियतामा कलाकार सुदर्शन थापाको टोलीले े१२ फिट अग्लो यो मूर्ति तयार पारेको हो ।  व्यापारीहरुको आराध्यदेव भीमसेन मन्दिरको पूजाअर्चनाका लागि उपत्यकाका तीनै सहरबाट भक्तजनहरु आएका थिए ।  बालकुमारी मन्दिर,  भीमसेन मन्दिर र भृङ्गरेश्वर मन्दिर सुनाकोठीको प्रमुख धार्मिक तीर्थस्थल हुन् ।