ललितपुर । महाँकाल गाउँपालिका अन्र्तगत सञ्चालनमा रहेको मानिखेल अस्पतालले घुम्ती अल्ट्रासाउन्ड क्याम्प सञ्चालन गरेको  छ । अस्पतालले हरेक वडामा १५ / १५ दिनमा घुम्ती क्याम्प सञ्चालन गरिरहने अस्पतालका  डाक्टर मिलन बोम्जनले जानकारी दिए । आज वडा नं २  मानिखेलको ठोस्नेखोला खोप केन्द्रबाट घुम्ती सेवाको सुरुवात गरिएको छ ।  घुम्ती सेवाको उद्घाटन महाँकाल  गाउँपालिका  प्रमुख प्रशासकिय अधिकृत धिरज मरासिनीले गरेका हुन् ।    वडा  नं २ मानिखेलका  वडा अध्यक्ष तथा अस्पताल व्यवस्थापन  समितिका  अध्यक्ष जोनी तामाङ लगायत  सरोकारवालाको  उपस्थिति  रहेको  गाउँपालिकाको अध्यक्षका स्वकीय सचिव सुसन दुलालले  बताए ।