सिमकोट ।  एक मात्रै निर्वाचन क्षेत्र रहेको हुम्लामा वाम–लोकतान्त्रिक गठबन्धनको प्यानल विजय भएको छ । प्रतिनिधिसभा सदस्यमा गठबन्धन नेकपा माओवादी केन्द्रका छिरिङ डम्दुल लामा कार्चेन विजयी भएको छ । उनका प्रतिस्पर्धी नेकपा एमालेका दल रावल  छन्  ।   लामाले १४ हजार तीन सय ७१ मत ल्याएर निर्वाचित भए  भने उनका निकटतम प्रतिस्पर्धी रावलले नौ हजार पाँच सय १६ मत ल्याएर पराजित भए  । राप्रपाका तेजबहादुर रावतले तीन सय ७८ मत प्राप्त गरेका छन्  । यस्तै बदर पाँच सय २४ भएको थियोे । 

    प्रदेशमा पनि गठबन्धनका विजयी  

    हुम्ला प्रदेश १  बाट गठबन्धनका उम्मेदवार माओवादीका रणसिंह परियार विजयी हुनुभएको छ । परियारले छ हजार चार सय ८१ मत प्राप्त गर्दा मङ्गलबहादुर शाहीले  चार हजार छ सय ३० मत प्राप्त गरे   । यस्तै एमालेका उम्मेदवार दल फडेराले दुई हजार ९९ मत प्राप्त गरे  एकीकृत समाजवादीका हस्तबहादुर शाहीले सात सय ८४ मत प्राप्त गरे  । यस्तै हुम्ला प्रदेश २ बाट वाम–लोकतान्त्रिक गठबन्धनका उम्मेदवार नेपाली कांग्रेसका जीवनबहादुर शाही विजयी भएका छन्  । उनले एमालेका उम्मेदवार छक्कबहादुर लामालाई चार हजार ७७ मत अन्तरले पराजित भएका  हुन्  ।  शाहीले सात हजार ५६ मत प्राप्त गर्दा एमालेका छक्कबहादुर लामाले दुई हजार नौ सय ७९ मत प्राप्त गरे  । यस्तै राष्ट्रिय प्रजातन्त्र पार्टी राप्रपा  का  नैनसिंह रावतले ९८ मत प्राप्त गरे  भने जनता समाजवादी जसपाका  बलिराज शाहीले ४१ र तिर चुनाव चिह्नका सुमन रावतले  २१ मत प्राप्त गरे  । यस्तै एक सय १९ मत बदर भएको  छ ।