काठमाडौं । कांग्रेसको पदाधिकारी तथा पूर्वपदाधिकारी बैठक स्थगित भएको छ । प्रधानमन्त्री केपी ओलीले वैशाख २७ गते विश्वासको मत लिने निर्णय गरेपछि त्यसबारे धारणा बनाउन कांग्रेस सभापति शेरबहादुर देउवाले शीर्ष नेताहरूको बैठक बोलाएका थिए । केही नेताहरूको स्वास्थ्यमा समस्या आएका कारण सोमबारका लागि बोलाइएको बैठक मंगलबार दिउँसो २ बजेसम्मका लागि स्थगित गरिएको मुख्यसचिव कृष्णप्रसाद पौडेलले जानकारी दिए । सोमबार बिहान मात्रै प्रवक्ता विश्वप्रकाश शर्मालाई कोरोना संक्रमण पुष्टि भएको छ । केन्द्रीय सदस्यहरू शंकर भण्डारी र चीनकाजी श्रेष्ठ कोरोना संक्रमणका कारण आइसोलेसनमा छन् ।