ललितपुर । ललितपुर महानगरपालिका वडा नं २७ ले आफ्नो वडा भित्र बसोबास गर्ने ६५ वर्ष माथिका दीर्घरोगबाट पीडित ज्येष्ठ नागरिकलाई निःशुल्क औषधि उपलव्ध गराएको छ । 
वडा कार्यालयमा आफूले खाने औषधिको प्रेसक्रिप्सनसहित यसअघि नै निवेदन दिएका वडावसीलाई आजदेखि निःशुल्क औषधि वितरण थालेका हो । 

६५ वर्ष माथिका ज्येष्ठ नागरिकहरूलाई प्रेसक्रिप्सनका आधारमा उनीहरूले खाँदै आएको औषधि निःशुल्क वितरण गरिएको वडाअध्यक्ष कृष्णहरि महर्जनले जानकारी दिए । 

निःशुल्क औषधि प्राप्तिका लागि वडा कार्यालयमा ३५ जना ज्येष्ठ नागरिकले निवेदन दिएका छन् । दम, सुगर, थाइरोइड, रक्तचापका बिरामीलाई वडा कार्यालयले निःशुल्क औषधि वितरण थालिएको वडा सचिव सनतकुमार थापाले जानकारी दिए ।