काठमाडौं । लुम्बिनी, कर्णाली र सुदूरपश्चिम प्रदेमा आज मुख्यमन्त्री चयन हुँदै छन् । प्रदेश प्रमुखहरूले सरकार गठन गर्न दिएको म्याद सकिने भएकोले यी तीनवटै प्रदेशले आज मुख्यमन्त्री पाउन लागेका हुन् । 
लुम्बिनीमा एमालेले सरकार बनाउँदै छ । एमालेबाट संसदीय दलका नेता लिला गिरीले मुख्यमन्त्रीका लागि दाबी पेस गर्नेछन् । यस्तै, सुदूरपश्चिममा पनि पहिलो कार्यकाल एमालेले नेतृत्व गर्ने भएको छ । एमालेबाट संसदीय दलका नेता राजेन्द्र रावलले गठबन्धनबाट मुख्यमन्त्रीको दाबी पेस गर्दैछन् ।
कर्णालीमा नेकपा माओवादी नेतृत्वमा सरकार गठन हुने भएको छ । माओवादी संसदीय दलका नेता राजकुमार शर्माले मुख्यमन्त्रीका लागि दाबी पेस गर्नेछन् ।