काठमाडौँ । साताको पहिलो कारोबार दिन आइतबार सेयर बजार घटेको छ । आइतबार पुँजी बजार मापक नेप्से परिसुचक ३०.७७ अंकले घटेको हो । नेपाल स्टक एक्सचेन्ज (नेप्से) का अनुसार आइतबार सेयर बजार मापदक नेप्से परिसुचक घटेर १९३८.२५ विन्दुमा पुगेको छ ।
३८ लाख कित्ता सेयर एक अर्ब ३९ करोड रुपैयाँमा कारोबार भए । सबैभन्दा बढी कारोबार हिमालयन डिस्टिलरीको ८ करोड ४४ लाख रुपैयाँको भएको छ ।
यस्तै, सुपर मादी हाइड्रोपावरको सेयरमा सकारात्मक सर्किट लागेको छ र  समलिङ पावर कम्पनीको सेयरमा नकारात्मक सर्किट लागेको छ ।आज दुई सय ५९ वटा कम्पनीका ३८ लाख ३२ हजार चार सय ५९ कित्ता शेयर ३० हजार नौ सय तीन पटक खरिदबिक्री हुँदा रू एक अर्ब ३९ करोड २३ लाख ५४ हजार आठ सय बराबरको कारोबार भएको छ । 
आजको कारोबारमा सबै समूहको उपसूचक घटेको छ । सबैभन्दा धेरै जीवन बीमा समूहको उपसूचक एक सय ७३ दशमलव ३४ र उत्पादन समूहको उपसूचक एक सय ४२ दशमलव ४५ अङ्कले घटेको छ ।
आज बैंकिङ समूह १२ दशमलव ०८, विकास बैंक समूह २९ दशमलव ४०, वित्त समूह २९ दशमलव ६९, होटल तथा पर्यटन समूह ६८ दशमलव १० र जलविद्युत् समूह ५३ दशमलव ०४ अङ्कले घटेको छ ।
त्यस्तै, लगानी समूह एक दशमलव ०८, लघुवित्त समूह ८८ दशमलव ९०, म्युचुअल फण्ड शून्य दशमलव ०८, निर्जीवन बीमा समूह ६३ दशमलव ९५, व्यापार समूह सात दशमलव ८२ र अन्य समूह २७ दशमलव ७५ अङ्कले घटेको छ । आज सुपर मादी हाइड्रोपावर लिमिटेडको शेयर मूल्यमा सकारात्मक सर्किट लागेको छ भने सामलिङ्ग पावर कम्पनीको शेयर मूल्यमा नकारात्मक सर्किट लागेको छ ।  
आज सबैभन्दा धेरै हिमालय डिस्टिलरी लिमिटेडको रू आठ करोड ४४ लाख १८ हजार चार सय ५२ बराबरको कारोबार भएको छ ।