सोसल मिडिया
Contact Us
युनिकोड
काठमाडौँ । नयाँ शैक्षिक सत्र सुरु हुनै लागेको छ । सरकारी तथा निजी विद्यालयले अन्तिम परीक्षा लिएर नतिजा सार्वजनिक गर्ने चरणमा पुगेका छन् । केही विद्यालयले नतिजा सार्वजनिक गरिसकेका छन् भने केहीको नतिजा सार्वजनिक गर्ने अन्तिम तयारी छ । वैशाख पहिलो सातादेखि सबै विद्यालयले नयाँ शैक्षिक सत्र सुरु गर्र्दैछन् । नयाँ शैक्षिक सत्रको सुरुवातमा निजी विद्यालयले आफूखुशी शुल्क बढाउने पुरानै पराम्परा छ । कोरोना संक्रमणको मारपछि यसैपनि अभिभावक पीडामा छन् । यस्तोमा निजी विद्यालयले शुल्क बढाइदिँदा उनीहरुको पीडा दोब्बर हुने देखिन्छ । यस्तैमा आज शिक्षा मन्त्रालयले निजी विद्यालयलाई आफू खुसी शुल्क नबढाउन निर्देशन दिएर झारा टार्ने काम गरेको छ । शिक्षा मन्त्रालयले वर्षेनी यस्तै निर्देशन दिन्छ तर अनुगमन गर्दैन । मन्त्रालयका सहसचिव एवं प्रवक्ता दीपक शर्माले आज प्रेस विज्ञप्ति जारी गर्दै शैक्षिक सत्र २०८० का लागि विद्यार्थी भर्ना गर्दा केही निजी लगानीका विद्यालयले आफू खुसी शुल्क उठाएको भन्ने विषयमा मन्त्रालयको गम्भीर ध्यानाकर्ण भएको जनाएका छन् । स्थानीय तहले स्वीकृति गरिदिएको सीमाभित्र रहेर मात्र शुल्क लिन पाउने व्यवस्था रहेको मन्त्रालयले स्मरण गराएको छ । विज्ञप्तिमा भनिएको छ, “कुनै पनि विद्यालयले स्वीकृत भएको शुल्कको विषयमा पारदर्शी ढङ्गले सबै अभिभावकलाई जानकारी गराउनुपर्छ । अभिभावकले तोकिएको शुल्कको स्वीकृतिको विषयमा प्रश्न गर्न पाउँछन् ।” त्यो विषयमा विद्यालय रहेको स्थानीय तहमा गुनासो गर्न पाउने व्यवस्था रहेको भन्दै मन्त्रालयले केही गुनासो भएमा स्थानीय तहमा जानकारी गराउन मन्त्रालयले निर्देशन दिएको छ ।