ललितपुर । ललितपुर महानगरपालिका वडा नं २७ ले आफ्नो वडा भित्र बसोबास गर्ने ६५ वर्ष माथिका दीर्घरोगबाट पीडित ज्येष्ठ नागरिकलाई निःशुल्क औषधि वितरण गरेको छ । 
आफूले खाने औषधिको प्रेसक्रिप्सनसहित निवेदन दिएका ज्येष्ठ वडावसीलाई हिजोदेखि निःशुल्क औषधि वितरण थालिएको हो ।  ६५ वर्ष माथिका ज्येष्ठ नागरिकलाई प्रेसक्रिप्सनका आधारमा उहाँहरूले खाँदै आएको औषधि निःशुल्क वितरण गरिएको वडाअध्यक्ष कृष्णहरि महर्जनले जानकारी दिनुभयो । 

दम, सुगर, थाइरोइड, रक्तचापका बिरामीलाई वडा कार्यालयले अघिल्लो वर्ष देखि नै निःशुल्क औषधि वितरण थालेको हो । औषधि वितरणका क्रममा सुनाकोठी स्वास्थ्य चौकीले ज्येष्ठ नागरिकको प्रेसर जाँच पनि गरेको थियो ।