ललितपुर । ललितपुर महानगरले झण्डै एक महिना अघि भर्ना लिएको ५० जना र कार्यरत ९ जना गरी ५९ जना नगरप्रहरीले आधारभूत तालिम लिएका छन् । नगरप्रहरीले सशस्त्र प्रहरी बल ललितपुरबाट तालिम लिएका थिए । तालिम समापन कार्यक्रममा तालिममा सहभागी भएकालाई नगरप्रमुख चिरीबाबु महर्जनले प्रमाण पत्र दिए ।

ललितपुर महानगरले गर्ने कामलाई चुस्त बनाउन नगरप्रहरीको भूमिका महत्वपूर्ण भएको बताए ।   ललितपुर महानगरले विपद्का घटनामा छिमेकी नगरपालिकामा आवश्यक नगरप्रहरी पठाएर सहयोग बताए । उनले भने, ‘ सहयोग आदान प्रदान गर्न ललितपुर महानगर, गोदावरी नगरपालिका र महालक्ष्मीनगरपालिकाबीच सहकार्य गर्ने कुरा भएको छौं, छिट्टै समझदारी पत्रमा हस्ताक्षर गरेर अघि बढ्छौं ।’

नगरप्रमुख चिरीबाबु महर्जनले नगरवासीको सेवाका लागि नगरप्रहरी थप गरिएको जानकारी दिए नगरप्रहरी थप गरिएपछि नगर विकासका लागि पनि सहयोग हुने उनले दाबी गरे । थप भएका नगरप्रहरीले विकास निर्माण र नगरवासीको हितका लागि थप काम गर्ने विश्वास लिएको बताए । नयाँ प्रहरी थप गरेसँगै ललितपुर महानगरपालिकामा १२३ जना नगरप्रहरी भएका छन् ।