काठमाडौं । रुकुम पूर्वबाट काठमाडौँका लागि छुटेको यात्रु बस सोमबार साँझ बागलुङको निसीखोला गाउँपालिका–६ को जाउलेपानीमा दुर्घटना हुँदा ७ जनाको मृत्यु भएको छ । 
दुर्घटनाका ३१ घाइतेलाई उद्धार गरेर उपचारार्थ लगिएको जिल्ला प्रहरी कार्यालय बागलुङले जनाएको छ । बागमती प्रदेश ०१–००६ ख ३८७९ नं. को रात्रि बस मध्यपहाडी लोकमार्गमा दुर्घटना भएको हो ।
बस सडकबाट करिब १ सय ५० मिटर तल खसेको प्रहरीले जनाएको छ । घटनास्थल बागलुङ सदरमुकामबाट करिब साढे ४ चार घण्टाको दुरीमा पर्छ । सदरमुकामबाट टाढा भएकाले घाइतेलाई स्थानीय स्वास्थ्य चौकीहरुमा पठाएर अवस्थाअनुसार सम्भव धौलागिरी अञ्चल अस्पताल ल्याउने तयारी छ ।