ललितपुर । ६७ औं राष्ट्रिय सहकारी दिवसका अवसरमा महालक्ष्मी नगरपालिका वडा नं. ९मा  रहेको सिध्दिविनायक कृषि बहुउद्देश्यीय सहकारी संस्था लि ले रक्तदान कार्यक्रमको आयोजना गरेको छ । संस्थाको आयोजना र नेपाल रेडक्रस सोसाईटी ललितपुरको प्राविधिक सहयोगमा भएको कार्यक्रममा ४५ जनाले रक्तदान गरेका थिए । रक्तदाताहरुलाई संस्थाका सल्लाहकार तथा महालक्ष्मी नगरपालिका वडा नं. ९का वडासदस्य शशिधर पोखरेल तथा संस्थाका अध्यक्ष निरञ्जन पौडेलले प्रशंसा पत्र बितरण गरे । रक्तदातालाई थप उत्प्रेरणाका लागि वेभ सर्फर नेपालले टिसर्ट उपलब्ध गराएको थियो ।