रौतहट- रौतहटको पश्चिमिभेग फतुवा विजयपुर नगरपालिका-११ स्थित श्री आधरभूत विद्यालय राङ्गीको प्राङ्गणमा सरस्वती माता मन्दिरको शिलान्यास गरिएको छ । मन्दिर निर्माणका लागि सयौं समाजसेवी बुद्धिजीवी र शिक्षा प्रेमी महानुभावको उपस्थितिमा मंगलबार स्थानीय अच्युत मैनालीको ममतामयी माता ज्येष्ठ नागरिक कृष्णलक्ष्मी मैनालीको हातबाट मन्दिरको शिलान्यास कार्यक्रम सम्पन्न भएको हो । राङ्गी गाउँका १५२ घरधुरीको आर्थिक सहयोगमा मन्दिर निर्माण हुन लागेको हो। ज्येष्ठ नागरिकको हैसियतले सम्मानस्वरुप शिलान्यास गरेपछि मन्दिर निर्माण हुने सोही विद्यालयका प्रधानाध्यापक विजयकुमार कुशवाहले जानकारी दिएका छन् ।