धापाखेल(ललितपुर) । ललितपुर महानगरपालिकाले लक्षित वर्ग कार्यक्रम अन्तर्गत वडावासी गृहणी महिलालाई एक दिने प्लम्बिङ सम्बन्धी तालिम दिएको छ । वडा कार्यालयमा आयोजित उक्त कार्यक्रममा प्लम्बर बाबुराजा महर्जनले घरायशी प्रयोजनका लागि आवश्यक पर्ने प्लम्बिङसम्बन्धी सीप सिकाएका थिए । तालिममा पानीको चुहावट रोक्नसहितका आवश्यक पर्ने सिप सिकाइएको थियो । सामाजिक परिचालक सावित्रा गौतमले सञ्चालन गरेको उक्त कार्यक्रममा वडा सदस्य मधुसिंह श्रेष्ठ ठकुरीले महिलाले जुनसुकै क्षेत्रमा पनि अग्रसरता देखाउनु पर्नेमा जोड दिनुभयो । कार्यक्रममा वडाअध्यक्ष जीवन महर्जनले कामको सम्मान गर्ने परिपाटी बसाउन सके समुन्नत समाज बन्ने धारणा राख्नुभयो ।