ललितपुर महानगरपालिका २४ नं. वडा कार्यालय धापाखेल ललितपुरले चालु आर्थिक वर्षको वडा स्तरीय बजेटबाट बाल क्लबका प्रतिनिधिहरूलाई आज खेलकुद सामाग्री वितरण गरेको छ ।  वडा कार्यालयले बालबालिकाहरुलाई अभिमुखीकरण कार्यक्रमसहित खेलकुद सामाग्री वितरण गरेको हो ।  बाल अधिकार समितिको आयोजनामा भएको बालबालिकाहरूलाई खेलकुद सामाग्री वितरण तथा अभिमुखीकरण कार्यक्रममा वडाअध्यक्ष दिनेश जङग पाण्डे
बाल अधिकार समिति अन्तर्गत वडा स्तरीय बाल क्लबसहित १५ वटा बाल क्लबहरू क्रियाशील ।  बालबालिकाहरूलाई खेलकुद सामाग्री वितरण तथा अभिमुखीकरण कार्यक्रममा वडाअध्यक्ष दिनेश जङग पाण्डेले वडा कार्यालयले बालबालिकाको समग्र विकासलाई सहायोग हेतु खेलकुदका सामग्री वितरण गरिएको बताउनु भयो ।  बालबालिका भविष्यका कर्णाधार हुन उहाँले भन्नुभयो, बालबालिकालाई मानसिक तथा शारीरिक रुपमा तन्दुरुस्त राख्न खेलकुदका सामग्री सहायक सिद्ध हुने छ ।  कार्यक्रममा वडासदस्य इन्द्रा श्रीशले बाल क्लबहरूलाई पुनर्गठन गर्दै पुनर्ताजकी पनि गर्र्नु पर्नेमा जोड दिनुभयो । कार्यक्रममा वडा सदस्य निशा मालबुलले बाल अधिकार समितिले सबै बाल क्लबहरूलाई समेटेर खेलुकुदका सामगी वितरण गर्न लागेको जनाउनु भयो ।  अर्का वडा  सदस्य उद्धब बस्नेतले वडा कार्यालयले उपलव्ध गराएको खेलकुदमा सामग्रीको समानुपातिक हिसाबले प्रयोग गर्न आह्वान गर्नुभयो । कार्यक्रममा वडा सदस्य हरिकृष्ण महर्जन, बाल अधिकार समितिका सदस्यहरूको उपस्थिति रहेको थियो ।