माननीय पूर्व प्रधानमन्त्री, पूर्व उपप्रधानमन्त्री पूर्व मन्त्री तथा  माननीय ज्यू,संघीय सांसद,प्रदेश सांसद साथै  सबै राजनीतिक दलका केन्द्रीय नेता तथा सबै बुद्धिजिवी दाजुभाइ, गोरखा क्षेत्र नं २ पालुङटार, नगरपालिका ,सिरानचोक गाउँपालिकाका प्रमुखज्यूहरु ।

 म एउटा सचेत नागरिकको हैसियलतले यहाँहरू समक्ष केही विषय राख्न चाहन्छु । 
डेढवर्षदेखि कोरोना महामारीका कारण विश्व नै यतिखेर स्थीर जस्तै भएको छ । दोस्रो भेरियन्टको संक्रमण फैलिएसँग नेपालीले यो महामारीको मार धेरै खेपिरहेका छन् ।  निम्न आर्थिक अवस्था भएकाहरु यो महामारीको प्रत्यक्ष शिकार भएका छन् । मुलुकमा देखिएको राजनीतिक खिचातानी, पद लोलुपता देख्दा हुँदा खाने वर्गप्रति कोही पनि संवेदनशील देखिदैंन । अहिलेको आवश्यकता र जनताको चाहना   राजनीतिक विषय होइन । कोरोर्ना  संक्रमण नियन्त्रण र न्यूनीकरण गर्नका लागि थालिने प्रयास महत्वपूर्ण हुन् । यतिखेर सम्पूर्ण राजनीतिककर्मी, बुद्धिजिवी, सामाजिक अभियन्ता राजनीतिभन्दा माथि उठेर कोरोनाको महामारी खेपिरहेका नागरिकको हितका लागि काम गर्नुपर्ने अवस्था छ । 
यतिबेला कोरोनामा सहरमा भन्दा गाउँमा फैलिएको छ । घरैपिच्छे जस्तो संक्रमितहरु छन् । अबको आवश्यकता भनेको गाउँमा भएका स्वास्वचौकीहरुलाई पूर्वाधारयुक्त बनाउनु हो ।  अस्थायी अस्पतालको स्थापना गर्नु जरुरी छ । गाउँ पसेको कोरोना नियन्त्रण गर्न नसक्ने हो भने यसले भयावह रुप लिने निश्चित छ । 
कोरोना नियन्त्रणका लागि सरकारले चाल्नुपर्ने कदम मध्ये पहिलो प्राथमिकतामा जनचेतना र दोस्रो कन्ट्याक टेसिड हो । यसका साथै पूर्वाधार र जनशक्तिको व्यवस्थापनमा पनि त्यतिकै ध्यान दिनुपर्छ । स्वास्थ्यकर्मीको संख्या बढाउनको लागि सरकारले एमबीबीएस पढ्दै गरेको अन्तिम वर्ष विद्यार्थीलाई कोरोना उपचारका खटाउन सक्छ । त्यसैगरी नर्सको व्यवस्थापन पनि यसैगरी गर्न सकिन्छ  । 
नेताज्यूहरु राजनीति र विकास दोस्रो प्राथमिकतामा राखेर काम गर्नुस् । यसो गर्दा नै तपाईहरुको भलो हुन्छ । तपाईंहरुको भविष्य राजनीति गर्नका लागि सुरक्षित  हुन्छ । उपचार नपाएर जनताको मृत्यु भए, तपाई कसका लागि राजनीति गर्नुहुन्छ ? पहिला जनता बचाउनुस् । सबै बाँचे राजनीति गर्नुहोला ।
यो महामारी जित्नका लागि राज्य संयन्त्रलाई आमनागरिकले साथ दिनु र सहयोगको त्यति नै अपरिहार्य छ । कोरोना सुरु भएको मुलुक चीन अहिले कोरोना मुक्त जस्तै भएको छ ,यसो हुनुको मुख्य कारण वफादार नागरिक हुन् । उनीहरुले कोरोना नियन्त्रणका लागि सरकारले अबलम्बन गरेका नीति नियमको अक्षरश पालना गरे । यो महामारी विरुद्ध सुझबुझ सहितको  सामूहिक लडाई अहिलेको आवश्यकता हो । कोरोना विरुद्धको यो लडाईमा सबैको ऐक्बद्धता, साथ सहयोग र समर्थन अत्यावश्यक छ । 
- गोरखाका सापकोटा हाल ललितपुर बस्छन् ।