काठमाडौं । गायक तथा मोडेल दुर्गेश थापाको नयाँ तिज गित ‘झुम्का हरायो’ को  प्रिमियर शो भव्यताका साथ समपन्न भएको  छ । आइतबार आइप्लेक्स मलमा आयोजित प्रिमियरमा विभिन्न कलाकारहरूको सहभागिता रहेको थियो । उक्त गितमा लय शब्द दुर्गेश स्वयमकै छ  भने आवाजमा गायिका शान्ति श्री परियार र पशुपति शर्माको रहेको छ ।   साथै गितमा दुर्गेश थापा, प्रियंका कार्की,  गरिमा शर्मा, पेमा  लामाको  अभिनय रहेको छ । उक्त प्रिमियर शो पछि सञ्चारकर्मीसँग कुराकानी गर्दै नायिका प्रियंका कार्कीले  दुर्गेशसँग काम गर्न पाउँदा खुसी  लागेको बताएकी  छन् । उनले यो रिल जोडी साच्चिकै  नै  सुहाएको  जिकिर गरिन् ।  उनले भनिन्, ‘यो टिमसँग  काम गर्ने  मौका मिल्यो, नाच्दाखेरी  कता कता हाम्रो सबै  खाले कुराहरू मिलेको  छ, जोडी  पनि मिलेको  छ, यो  भिडियो  हेर्दा  म आफैं  छक्क परेकी छु  ।’  यस्तै दुर्गेश थापाले गायक पशुपति शर्माको आफू ठुलो  फ्यान भएको  बताएका छन् ।  उनले गायक शर्माले एक रुपैयाँ नलिएर  काम गरेको  समेत खुलाएका छन् ।