काठमाडौं । अर्थमन्त्री विष्णु पौडेलले संघीय लोकतान्त्रिक पद्धति प्राप्तिका लागि मिडियाले प्रमुख भूमिका खेलेको बताएका छन् ।  काठमाडौंमा बुधबार आयोजित एक कार्यक्रममा उनले लोकतन्त्रका लागि मिडियाले गरेको योगदान सबै भन्दा ठूलो रहेको उल्लेख गरे ।  उनले भने, ‘संघीय  लोकतन्त्र स्थापनामा सबै  नेपालीको योगदान छ, सबै सूचना प्रविधिहरूको हात छ, तर विशेष रुपमा भन्नुपर्दा मिडियाले त्यो लोकतन्त्र आन्दोलनमा गरेको योगदानले गर्दा सरकार र मिडिया एकअर्काका परिपुरक जस्तै हुन् ।’ साथै, उनले मिडियाको महत्वलाई कमजोर बनाए लोकतन्त्र पनि कमजोर हुने भन्दै मिडियाको महत्व सरकारले बुझेको बताए ।