काठमाडौं । हिन्दू राष्ट्र स्वाभिमान जागरण अभियानले बङ्गलादेशमा हत्या गरिएका हिन्दूहरूको आत्माको शान्तिको लागि श्रद्धाञ्जली कार्यक्रम सम्पन्न गरेको छ । माइतीघर मण्डलामा शनिबार बङ्गलादेशमा इस्लामिक जिहादीद्वारा हत्या गरिएका हिन्दूहरूको आत्मा शान्तिको लागि उक्त श्रद्धाञ्जली कार्यक्रम आयोजना गरिएको हो । सोही क्रममा विश्व हिन्दु महासंघ केन्द्रीय अन्तर्राष्ट्रिय समितिका महासचिव शम्भुहरि बास्तोलाले सनातन धर्मालम्बीहरू माथि भइरहेको अन्यायको निन्दाको रुपमा कार्यक्रमहरू गर्दै आएको बताए ।  उनले भने, ‘बङ्गलादेशमा हिंसात्मक द्वन्द्व भड्कियो, त्यसपछि राजनीतिक परिवर्तनसँगै धार्मिक संघ संस्थाहरूमाथि विशेष रुपमा त्यहाँको हिन्दु मन्दिरहरूलाई लक्षित गरेर मन्दिरहरू भत्काउने कार्य भएपछि हामीले त्यसको विरोध गरेका छौँ । बङ्गलादेशको राजदूतावासमा गएर यसबारे ज्ञापनपत्र पनि बुझाएका छौ । यो कार्यक्रम जतिपनि सनातन धर्मालम्बीहरू माथि भइरहेको अन्यायको हामीले निन्दा गरेका छौँ ।’  उनीहरूले हिन्दुहरूमाथिको दमन बन्द गर, नेपाललाई हिन्दु राष्ट्र कायम गर लगायतका नारा लगाएका थिए ।