काठमाडौं । कानून, न्याय तथा संसदीय मामिलामन्त्री अजयकुमार चौरसियाले सानो पाइला संस्थाले समाजमा एकल रहेका व्यक्तिहरुको संरक्षणमा सहयोग पुर्याएको बताएका छन् । शुक्रबार सानो पाइलाको परियोजना उद्घाटन गर्दै मन्त्री चौरसियाले यस्तो बताएका हुन् । उनले  भने, ‘जहाँ जहाँ समाजमा पीडा छ, सामाजिक न्यायको आवश्यक्ता छ त्यहाँ डोनर वा पार्टनरहरुको सहयोगमा संस्थाले राम्रो काम गरेको पाइन्छ । जहाँ जहाँ समस्या हुन्छ समाजमा पछि परेका व्यक्तिहरुलाई सहयोग गर्न आवश्यक्ता हुन्छ त्यहाँ सबैभन्दा पहिले सानो पाइला संस्था पुगेको हुन्छ ।’ साथै उनले सानो पाइला संस्थाले भूकम्प पीडितहरुलाई  समेत सहयोग गर्नमा पछि नहटेको  बताए ।  उनले  कोरोना महामारीको समयमा पनि सानो पाइला संस्थाले भोजनको व्यवस्था गरेर पीडितहरुलाई सहयोग गर्नमा सबैभन्दा अगाडि रहेको बताए ।