काठमाडौं ।  युवाका लागि दिगो शान्ति र सामाजिक उद्यमशीलता सम्बन्धी राष्ट्रिय सम्मेलन तथा राष्टिय पुरस्कार वितरण कार्यक्रम सम्पन्न भएको छ । लुम्बिनी वल्ड पिस फोरमको आयोजनामा सम्पन्न कार्यक्रममा संघीय संसद अन्तगर्त प्रतिनिधि सभा राज्य व्यवस्था तथा सुशासन समितिका सभापति रामहरी खतिवडाले युवाका नाममा राजनीति गर्न आउनेले  गलत काम गर्न नहुने बताए । उनले युवाहरू कुनै राजनीतिक रंग नदिइ मुलुकलाई अगाडि बढाउन एकताबद्व भएर अगाडि बढ्नुपर्नेमा जोड दिए । कार्यक्रममा विभिन्न क्षेत्रमा उत्कृष्ट योगदान पुर्याएका व्यक्तिलाई पुरस्कार वितरण गरिएको थियो । पुरस्कृत हुने व्यक्तिहरूमा मानवअधिकारकर्मी एम्नेष्टी इन्टरनेसनल नेपालका पुर्व अध्यक्ष एवं पत्रकार राजन कुईकेल, युवा अभियान्ता एवं नेपाल युवा परिषद्का अध्यक्ष सरोज बानियाँ र नेपाल युवा संस्था सन्जाल (आयोन)अध्यक्ष सुजता बराल रहेका छन् । पुरस्कार वितरणका लागि संस्थाले तीन सदस्यीय छनोट समिति गठन गरिएको थियो । समितिमा रक्षा नेपालकी अध्यक्ष मेनुका थापा, ग्लोबल युथ पालिर्यामेन्टका अध्यक्ष दिवाकर अर्याल र पत्रकार एवं अनुसन्धानकर्ता गोविन्द मरासिनी रहेका थिए । कार्यक्रममा छनोट समितिका सदस्य अर्यालले युवाको मापदण्ड उमेर मात्र नभई समाजप्रतिको योगदान मुख्य कुरा भएको भन्दै सम्पूर्ण युवालाई देश र जनताप्रति समपिर्त भएर अगाडि बढ्नुपर्ने बताए । कार्यक्रममा लुम्बिनी वल्ड पिस फोरमका अध्यक्ष बासु गौतमले युवालाई सामाजिक उधमशीलतामा युवा शक्तिले चासो दिनुपर्ने बताए ।