काठमाडौं । नेपाल सम्वत् ११४५ न्हूदँ समारोह समितिको आयोजना तथा नेपालभाषा मंकाः खलः, यलको संयोजनमा सम्पन्न दोश्रो मंकाः खलः खुल्ला दौड प्रतियोगिता नेपाल आर्मीका मुकेश पालले जितेका छन् । साफ खेलका सर्वकालिन रेकर्ड होल्डर वैकुण्ठ मानान्धर र ललितपुर महानगरपालिकाका ७ नं. अध्यक्ष बाबू रत्न महर्जनले संयुकङ राष्ट्रिय स्तरका ६० जना धावकहरुको सहभागी रहेको दौड प्रतियोगितामा मुकेश पालले ३४ मिनेट ५५ सेकेण्डमा उक्त दूरी तय गरेका छन् ।  यस अघिको संस्करणमा समेत पहिलो स्थान प्राप्त गरेका राकेशले नगद १० हजार पुरस्कार ग्रहण गरेका छन् । खुल्ला दौड स्पर्धामा आर्मी कै राजन रोकायले द्वितीय स्थानमा दौड पूरा गरेका छन्। उनले ३ सेकेण्ड बढी समय लिदै प्रतिस्पर्धात्मक ३४ मिनेट ५८ सेकेण्डमा निर्धारित दौड पार गरेका छन्। नेपाल प्रहरीका नागेश्वर अहिरले ३६ मिनेट ११ सेकेण्ड समय लिदै तेस्रो स्थान प्राप्त गरेका छन् ।
नेपाल प्रहरीका प्रिन्स कुमार मुखिया चौथो, तिलक बुढाथोकी पाँचौ , नवराज कार्कीले छैटौं स्थान प्राप्त गरेका छन्। ललितपुरका राकेश महर्जनले ४५ मिनेटमा उक्त दौड पूरा गरि ललितपुर उत्कृष्ट धावक बन्न सफल भएका छन् । राकेशले पुरस्कार स्वरुप नगद १० हजार प्राप्त गरेका छन् । यसैगरी तेस्रो राष्ट्रब्यापी र्‍यापिड रेटिङ्ग चेस प्रतियोगितामा रौतहटका एफएम रुपेश जैसवाल प्रथम हुँदै नगद १० हजार , ललितपुरका राजन पुरी द्वितीय हुँदै नगद ७ हजार र दोलखाका आशिष् फूँयाल तृतीय हुँदै नगद ५ हजार पुरस्कार प्राप्त गरेका छन् । नेपाल सम्वत् नयाँ वर्षको उपलक्ष्यमा रक्तदान, छाला दान, आँखा दान, आँखा जाँच, ससगर , प्रेसर जाँच कार्यक्रम पनि सम्पन्न गरेका छन् । नेपाल सम्वत् ११४५ न्हूदँको अवसरमा नेपालभाषा मंकाः खलःले दबू छेंमा शुभकामना आदानप्रदान तथा तुच्चा कार्यक्रमको  आयोजना गरेको छ । नेपालभाषा मंकाः खलःका अध्यक्ष हिराकाजी महर्जनको सभापतित्वमा भएको शुभकामना कार्यक्रममा संघिय सांसद मा. प्रेम बहादुर महर्जन, बाग्मती प्रदेशका मा. श्रममन्त्री प्रेमभक्त महर्जन, पूर्व मन्त्री बुद्धिराज बज्राचार्य, बागमती प्रदेश सांसद मा. रामकृष्ण चित्रकार लगायतको उपस्थिति रहेको थियो ।