नेपाल पत्रकार महासंघले मंसिर २८ गते हुने निर्वाचनका लागि मतदाता नामावली प्रकाशन गरेको छ । महासंघको निर्वाचन समितिले केन्द्रीय समिति, प्रदेश समिति, जिल्ला शाखा, प्रतिष्ठान शाखाबाट प्राप्त नामावलीअनुसार सूची प्रकाशित गरेको हो । मतदाताको नामावली नेपाल पत्रकार महासंघको वेबसाइट तथा केन्द्रीय निर्वाचन कार्यालयको सूचना पाटीमा टाँस गरिएको छ । २८ गते हुने निर्वाचनमा सहभागी हुन सम्पूर्ण सदस्यले विधानबमोजिमको शुल्क भुक्तानी गरेको हुनुपर्ने निर्वाचन समितिले विज्ञप्तिमा जनाएको छ । मतदाता नामावली प्रकाशनपछि पत्रकार महासंघको कार्यवाहक अध्यक्ष बाला अधिकारीले नयाँ नेतृत्व चयनमा प्रत्यक्ष सहभागी हुन अपिल गरेकी छिन् ।