काठमाडौं । क्रिकेटका लिजेन्ड ब्रायन लारा काठमाडौं आइपुगेका छन् । नेपाल प्रिमियम लिग (एनपीएल) को जारी खेल हेर्नका लागि क्रिकेटका लिजेन्ड लारा नेपाल आएका हुन् । नेपाल क्रिकेट संघ (क्यान) का छुम्बी लामाका अनुसार उनी आज बिहान  त्रिभुवन अन्तराष्ट्रिय विमानस्थलमा आइ पुगेका हुन ।  उनलाई स्वागत गर्नका लागि क्यानका पदाधिकारीसहित खेलाडीहरू विमानस्थलमा पुगेका थिए । उनी आज बिहान ९ बजे भएको लुम्बिनी लायन्स र कर्णाली याक्सबीचको पहिलो खेल हेर्न कीर्तिपुरस्थित मैदानमा पगेका थिए । केही दिन नेपालमा रहने क्रिकेटका लिजेन्डा लाराले कम्तिमा तीनवटा खेल कीर्तिपुरस्थित मैदानमा गएर हेर्नेछन् । वेस्ट इन्डिजका विश्वविख्यात  खेलाडी लारा पहिलोपटक नेपाल आएका हुन् । वेस्ट इन्डिजका महान पूर्व क्रिकेटर लारा फ्लाइ दुबईबाट शुक्रवार बिहान त्रिभुवन अन्तर्राष्ट्रिय विमानस्थलमा आइपुगेका हुन् । उनले ५ ओभर एनपिएलको कमेन्ट्री गर्ने बताइएको छ । लारा ३ दिन नेपाल बस्ने क्यानले जानकारी दिएको‌ छ । ट्रिनिडाड एन्ड टोबागोका महान ब्याटर ५५ वर्षे लाराले ओडिआइ र टेस्ट क्रिकेट दुवैमा १० हजार भन्दा बढि रन बनाएका छन् । टेस्ट क्रिकेटमा एकै इनिङमा नटआउट ४ सय रन बनाउने कीर्तिमान लाराकै नाममा छ ।