काठमाडौं । आज बिहान ६ः५० बजे चीनको तिब्बत स्वायत्त क्षेत्रको सिगात्सेबाट २८ किलोमिटरको दूरीमा रहेको दिङ्ग्ये काउन्टीमा ७.० म्याग्निच्युडको शक्तिशाली भूकम्प गएको छ । राष्ट्रिय भूकम्प मापन तथा अनुसन्धान केन्द्र र खनिज तथा भूगर्भ विभागका अनुसार भूकम्पको केन्द्रबिन्दु दिङ्ग्ये काउन्टी आसपासमा रहेको थियो । भूकम्पले तिब्बतको दक्षिणी क्षेत्रमा ठूलो धक्का दिएको छ, जसले आसपासका जिल्लामा समेत असर पारेको छ । उच्च म्याग्निच्युडका कारण ठूलो क्षतिको सम्भावना रहेकोले छ ।  हालसम्म ठूला क्षति वा घाइतेको विस्तृत विवरण उपलब्ध भएको छैन । अधिकारीहरूले थप पराकम्पहरू आउन सक्ने चेतावनी दिएका छन् । नागरिकलाई आपत्कालीन तयारी गर्न सल्लाह दिएका छन् ।