हरिसिद्धि (ललितपुर) । ललितपुर महानगरपालिका २८ नं. वडा कार्यालय हरिसिद्धिले वडाका स्थायी बासिन्दालाई सुगर प्रेसरको निःशुल्क औषधि वितरण गरेको छ । चालु आर्थिक वर्ष भित्र वितरण गरिएको यो दोस्रो लट हो ।

वडा कार्यालयले ३–३ महिनालाई पुग्ने गरी चार पटक निःशुल्क औषधि वितरण गर्ने गर्दछ । वडाअध्यक्ष वीरेन्द्र महर्जनले निःशुल्क औषधि वितरण कार्यको थालनी गर्नु भएको थियो । यो कार्यमा वडा सदस्य तथा वडा कर्मचारीहरुले सहजिकरण गर्नु भएको थियो । २८ नं. वडा कार्यालयले सामाजिक विकासतर्फको स्वास्थ्य तथा पोषण उपक्षेत्रमा विनियोजित निःशुल्क औषधि वितरण कार्यक्रममाफर्त वडावासीलाई यो सेवा दिएको हो । वडा कार्यालयले आर्थिक वर्ष ०८०–०८१ देखि नै यो कार्यक्रम सुरुवात गरेको वडाअध्यक्ष बीरेन्द्र महर्जनले जानकारी दिनुभयो ।