धापाखेल (ललितपुर) वडावासीलाई निरोगी राख्न ललितपुर महानगरपालिका २४ नं. वडा कार्यालयले समय समयमा स्वास्थ्य शिविरहरु सञ्चालन गर्दै आएको छ । त्यसै क्रममा हिजो शनिबार ललितपुर महानगरपालिका २४ नं वडा कार्यालय धापाखेलको वडा स्वास्थ्य कार्यान्वयन समितिले निःशुल्क मोतिबिन्दु आँखा शिविर सम्पन्न गरेको छ । 

माट्रिका आई सेन्टर पुरानो बानेश्वरको प्राविधिक सहयोगमा समितिले जलपा माविमा उक्त एक दिने शिविर आयोजना गरेको हो ।
यस्तै शिविरकै क्रममा कुमारी युवा क्लब बहति पोखरी काठमाडौं–१६ को आयोजना तथा स्पर्श मर्म थेरापी सेन्टरको प्राविधिक सहयोगमा वडावासीलाई निःशुल्क थेरापी सेवा पनि उपलव्ध गराइएको थियो ।   

वडा स्वास्थ्य  कायान्वयन समिति धापाखेलले आयोजना गरेको मोतिबिन्दु आखाँ शिविरमा २२७ जनाले आँखा परीक्षण गराएका थिए । परीक्षण गरिएकामध्ये ५८ जनामा मोतिबिन्दु देखिएकोले थप परीक्षण तथा शल्यक्रियाका लागि सुझाव दिइएको छ । यस्तै  ६० जना वडावासीले निःशुल्क थेरापीव सेवा लिएका थिए । 

निःशुल्क मोतिबिन्दु शिविरमा वडाअध्यक्ष दिनेशजंग पाण्डे, वडासदस्यहरू इन्द्रा श्रीश, निशा मालबुल, उद्धब बस्नेत, हरिकृष्ण महर्जनसहित वडा स्वास्थ्य कार्यान्वयन समितिका सदस्यहरू, महिला स्वास्थ्य स्वयम् सेविकाहरु, टिएचपीसहित टोलवासीहरुले शिविरमा आउने वडावासीको आँखा परीक्षणमा सहजीकरण गर्नु भएको थियो ।