नेपाली काँग्रेस ललितपुर महानगरपालिका वडा नं २८ इकाई कार्य समितिद्धारा पार्टीले सुरु गरेको १०० दिने विशेष अभियान अन्तर्गत शनिबार ज्येष्ठ नागरिक सम्मान तथा क्रियाशील कार्ड वितरण कार्यक्रम सम्पन्न भएको छ । जिल्ला सभापति जितेन्द्रकुमार श्रेष्ठ प्रमुख अतिथि रहेको उक्त कार्यक्रममा क्षेत्र नं ३ का क्षेत्रीय सभापति महेश्र थापा, प्रदेश ३ क का सभापति तथा वडाअध्यक्ष बीरेन्द्र महर्जन, महानगर सभापति शुभानन्द धाख्वासहितका इकाई, प्रदेश, तथा जिल्ला तहका नेताहरू सहभागी भएका थिए । त्यसक्रममा जंकु गरिसकेका करिब ८० जना ज्येष्ठ नागरिकलाई पानी तताउने कित्ली प्रदान गरिएको थियो । काँग्रेस जिल्ला सभापति जितेन्द्रकुमार श्रेष्ठले ज्येष्ठ नागरिकलाई कित्ली प्रदान गर्नुका साथै क्रियाशी सदस्यता कार्ड वितरण गर्नु भएको थियो । इकाई सभापति श्रीराम महर्जनको अध्यक्षतामा आयोजित ज्येष्ठ नागरिकलाई सम्मान तथा क्रियाशील सदस्यता कार्ड वितरण गरिएको हो ।