काठमाडौं । आईसीसी च्याम्पियनसिप ट्रफीको फाइनलमा न्युजिल्यान्डलाई पराजित गर्दै भारतले उपाधि जितेको छ । २५२ रनको लक्ष्य पाएको भारतले एक ओभर बाँकी छँदै पार गरेको थियो । दुबई इन्टरनेसनल क्रिकेट रंगशालामा टस जितेर पहिला ब्याटिङ गरेको न्युजिल्याण्डले निर्धारित ५० ओभरमा ७ विकेट गुमाउँदै २५१ रन बर्नाएको थियो । न्युजिल्याण्डले दिएको लक्ष्य पच्छाउने क्रममा भारतीय कप्तान रोहित शर्माले ७६ रनको योगदान दिए । भारतको जिततर्फ लैजान भारतीय ब्याट्सम्यान श्रेयर ऐययरले ४८ रन, के.एल राहुलले ३४ रन, शुभमन गिलले ३१ रन, अक्षर पटेलले २९ रन, रविन्द्र जडेजाले ९ रन, हार्दिक पाण्डेयले १८ रन बनाए भने बिराट कोहली १ रनको योगदान गरेका थिए ।  न्युजिल्याण्डका लागि डेरिल मिचेलले सर्वाधिक ६३ रन बनाएका थिए । १०१ बल खेलेको उनले ३ चौका प्रहार गरेका थिए । रचिन रविन्द्र ३७ र ग्लेन फिलिप्स ३४ रनमा आउट हुँदा माइकल ब्रेसवेल ५३ रनमा अविजित रहे । बलिङमा भारतका कुलदिप यादव र वरुण चक्रवर्थीले दुईदुई, रविन्द्र जडेजा र महोम्मद शमीले एकएक विकेट लिए ।