काठमाडौं । समाजवादी मोर्चामा आवद्ध नेताहरुले नेकपा एसको कार्यालयमा हिजो राजावादी समूहले गरेको आगजनी र तोडफोडको अनुगमन गरेका छन् । शनिबार बिहान मोर्चाका नेताहरुले नेकपा एस कार्यालयमा भएका तोडफोड र आगजनीको अनुगमन गरेका हो । मोर्चाका नेताहरु पुष्पकमल दाहाल, नेत्रविक्रम चन्द विप्लब, नेकपा एसका अध्यक्ष माधवकुमार नेपालसहितका नेताहरु त्यहाँ पुगेका थिए ।  
यसैबीच, शनिबार समाजवादी मोर्चा, नेपालको बैठक बस्दैछ । बैठक नेकपा एकीकृत समाजवादीको कार्यालयमा बस्न लागेको हो । 
समाजवादी मोर्चा, नेपालले नेकपा एकीकृत समाजवादीको कार्यालयमा हिजो राजावादी समूहले गरेको आगजनी र तोडफोडको अनुगमन पनि गरेको छ । बैठकमा समाजवादी मोर्चाले शुक्रबार काठमाडौँको भृकुटीमण्डपमा गरेको सभा, राजावादी समूहले गरेको आगजनी र तोडफोडलगायतका विषयमा छलफल हुनेछ ।