ललितपुर । सामुदायिक कुकुर र अन्य पशुलाई आश्रय दिँदै आएको स्नेहाज केयरले गम्भीर आर्थिक संकट झेलिरहेको छ । १७० सामुदायिक कुकुर र ५० भन्दा  बढी फार्म जनावरहरुलाई आश्रम दिँदै आएको स्नेहाज केयर आर्थिक अभावका कारण बन्द हुने अवस्थामा पुगेको हो । स्नेहाज केयरले एक अपिल जारी गर्दै संस्था बन्द हुन सक्ने जोखिम रहेको जनाएको छ । अपिलमा भनिएको छ, ‘स्नेहाज केयर १७० सामुदायिक कुकुर र ५० भन्दा बढी फार्म जनावरहरूका लागि एकमात्र सुरक्षित आश्रय हो, तर, गम्भीर आर्थिक अभावका कारण हामी सधैंको लागि बन्द हुन सक्ने खतरामा छौं । यदि यस्तो भयो भने, यी निर्दोष जनावरहरू पुनः सडकमा अलपत्र पर्नेछन् । हामी कुनै हालतमा यो हुन दिन सक्दैनौं।” स्नेहाज केयर सामुदायिक कुकुर, गाई, भैँसीलगायत अन्य जनावरलाई खाना, वासस्थान र आवश्यक चिकित्सा सेवा उपलब्ध गराउँदै आएको छ । तर, आर्थिक अभावका कारण संस्थाले जनावरहरूको हेरचाह गर्न कठिनाइ भइरहेको छ । संस्थाले जनावरहरूको भविष्य सुरक्षित बनाउन सहयोगको लागि अपिल गरेको छ।   ऋपिलमा भनिएको छ, ‘यस दुखद परिस्थितिलाई रोक्नका लागि, हामीलाई तपाईंको सहयोगको अत्यन्त आवश्यकता छ । सानो सहयोगले पनि ठूलो परिवर्तन ल्याउन सक्छ । हाम्रो अभियानलाई निरन्तरता दिन मद्दत गर्नुहोस्,’अपिलमा भनिएको छ । स्नेहाज केयरको यो अवस्थाले समुदायमा छोडिएका गाई कुकर अन्य पशुको संरक्षणमा चुनौती थपिएको छ । संस्था बन्द भएमा सयौं जनावरहरू सडकमा अलपत्र पर्नेछन् ।