काठमाडौं । नेपाल राष्ट्र बैंकले बचत तथा ऋणको कारोबार गर्ने सहकारी संस्थाका लागि निर्देशन तथा मापदण्ड २०८१ जारी गरेको छ ।नेपाल राष्ट्र बैंक ऐन २०५८ को दफा ५  को उपदफा (१) को खण्ड (च१) र सहकारी ऐन २०७४ को दफा १५१ को उपदफा (१क) ले दिएको अधिकार प्रयोग गरी निर्देशन जारी गरेको हो । जारी निर्देशन तथा मापदण्ड आजैबाट लागू भएको छ । निर्देशन तथा मापदण्डमा बचत संकलनको सीमा समेत तोकेको । एक जिल्ला कार्यक्षेत्र भएको सहकारीले प्रति सदस्य १० लाख, एक भन्दा बढी जिल्ला कार्यक्षेत्र भएको सहकारीले २५ लाख र एक प्रदेशभन्दा बढी कार्यक्षेत्र रहेको सहकारीले प्रति व्यक्ति ५० लाख सीमा तोकेको छ । २०८१ पुस १४ अघि कायम रहेको बचतको हकमा सो मितिबाट २ वर्ष भित्र सीमा भित्र ल्याउनुपर्ने निर्देशन तथा मापदण्डमा उल्लेख छ।